Pesë vjet e gjashtë muaj burg, si dhe i ndalohet ushtrimi i funksioneve publike; ky është dënimi që do të vuajë profesori italian, Angelo Scala. Ai akuzohej se iu kishte kërkuar studentëve marrëdhënie seksuale në këmbim të një note kaluese.
Sipas hetuesve, rezulton se Scala ka kërkuar favore seksuale në periudhën 2019-2020, kur ishte profesor në departamentin e Jurisprudencës në Universitetin Federico II të Napolit.
Para datave të provimeve, ai realizonte takime paraprake me studentët jashtë Universitetit.
Në disa raste të konstatuara, provimet janë kryer formalisht në ambientet e universitetit, e në disa raste të tjera, studentët nuk janë futur fare në provim.