Në një intervistë për emisionin “Opinion” Presidenti Bajram Begaj thotë se dyshimet se pas sulmit terrorist është Serbia zyrtare janë legjitime.
Begaj argumentoi se prezenca e ushtrisë në kufirin me Kosovën dhe transportimi i armatimit në manastir tregon që ka qenë një sulm i mirë menduar.
Fevziu: A mendoni se Serbia ka përgjegjësi direket për këtë ngjarje?
Begaj: Ishte cënuar rendi dhe siguria e një vendi sovran, Kosovës. Vrasja e policit në krye të detyrës të çonte në mendime të tille. Mendoj se janë dyshime legjitime që ushtria serbe është dislokuar përgjatë kufirit të Kosovës. Prania e armatimit në një manastir nuk mund të ndodhte për 5 minuta apo dhe qasja që pjesëtarët e këtij grupi terrorist ishin serb dhe e deklaruar publikisht të çojnë në dyshime legjitime.