Presidentja e Kosovës,, Vjosa Osmani gjatë konferencës për shtyp me homologun Bajram Begaj u shpreh se Kosova ka nevojë për mbështetjen e Shqipërisë në arenën ndërkombëtare për t’u bërë zëri i saj në institucionet ku nuk ka përfaqësim, teksa nënvizoi se Kosova me sfidën më të madhe të sigurisë. Ajo shtoi se është angazhuar vetë personalisht për t’u koordinuar me kryeministrin Edi Rama, presidentin Begaj dhe diplomatët shqiptarë.
“Unë mendoj që çdo moment është i mirë për ta vizituar republikën e Shqipërisë. Përkundrazi çdo vizitë ndihmon fuqizimin tonë në rajon. Kosova sot përballet me sfidimin më të madh të sigursë në këto 25 vitet e fundit. Kur kemi përballje me sfida të tilla atëherë është detyrim i secilit prej nesh që interesat kombëtare ti vëmë para së gjithash.
Të flasim me një zë e të unifikuar. Unë s’kam dyshim se qëllimin e kemi të përbashkët. Ndonësë ndonjëherë kemi dallime në strategji atëherë duhet të ulemi t’i diskutojmë si familje. Sepse jemi një familje. Jam e bindur se edhe ndonjë moment i vogël i pakëndshëm tejkalohet. Si presidente e Shqipërisë do të ulem për angazhim me presidentin, kryeministrin dhe me të gjithë diplomatët e republikës së Shqipërisë kudo ndodhen.
Mos të harrojmë që jemi në një moment të mirë si kosovë dhe Shqipëri, kemi arritur lirinë pavarësinë, jemi shtetet më demokratime në rajon e përtej. Bashkëpunimi ynë koordinimi ynë vetëm sa do të hapë më shumë dyert për suksese prej të cilave përfitojnë qytetarët tanë”, tha ajo.