Ministri i Brendshëm, Taulant Balla ka përgëzuar 2300 punonjësi e policisë që u angazhuan mbrëmjen e djeshme për mbarëvajtjen e ndeshjes mes Shqipërisë dhe Çekisë.
Balla shprehu mirënjohje dhe për qytetarët që mirëkuptuan masat e rrepta të policisë, si dhe falenderoi lojtarët e Kombëtares për fitoren e mbrëmshme.
“Meritojnë një përgëzim të madh 2300 punonjësit e policisë nga të gjitha strukturat e Policisë së Shtetit, të përfshira në mbarëvajtjen e aktiviteteve dhe festimeve, përpara, gjatë dhe pas përfundimit të ndeshjes së futbollit mes Shqipërisë dhe Republikës Çeke. Shumë mirënjohje qytetarëve që i mirëkuptuan masat e rrepta në këtë nivel të ri sigurie në stadiume, i cili mori dhe vlerësimin maksimal nga përfaqësuesit e UEFA, FSHF dhe Federata Çeke. Faleminderit djemve të kombëtares dhe trajnerit për fitoren mbresëlënëse dhe historike”, shprehet ministri.