Jo vetëm që Shakira po kalon tani ndarjen e saj me Gerard Pique, por këngëtarja duhet të përballet edhe me faktin se babai i saj William Mebarak nuk është mirë dhe së fundmi u ripranua në një klinikë në Barcelonë dhe po merr trajtimin e duhur mjekësor.
Edhe pse disa raporte pohuan se Gerard Pique ka vizituar edhe klinikën për të kontrolluar babain e ish-partneres së tij, informacionet e reja pretendojnë se nuk janë të vërteta.
Sipas emisionit të TeleCinco ‘El programa de Ana Rosa’, futbollisti nuk e ka vizituar dhe Shakira është e mërzitur për këtë. Kështu ka thënë gazetarja Adriana Dorronsoro, e cila ka folur me burime pranë këngëtares kolumbiane. Ajo delaroi në emision se:
Shakira është shumë e mërzitur që Pique nuk shkoi ta takonte dhe që nuk e ka pyetur për shëndetin e tij. Ajo donte ta bënte shumë të qartë se Pique nuk ka qenë për të vizituar babanë e saj dhe as nuk e ka pyetur për shëndetin e tij.
Këngëtarja kohët e fundit ka qenë gjithashtu në kryefjalën e mediave, pasi ka marrë fëmijët e saj në një event të Halloween-it dhe ka shkaktuar trazira. Por, në ‘El programa de Ana Rosa’ u zbulua se kjo ndodhi pasi ajo po ndiqte këshillat e ekipit të saj të sigurisë, të cilët mendonin se ndryshe do të kishte qenë e pasigurt. Kjo është, gjoja, arsyeja pse Shakira dhe familja e saj hynë së pari.