Një gjykatë amerikane lëshoi të hënën (6 qershor) urdhër për sekuestrimin e dy avionëve luksoz në pronësi të miliarderit rus Roman Abramovich sipas masave të SHBA të vendosura pas pushtimit rus të Ukrainës
Gjasat e qeverisë amerikane për të fituar kontrollin e avionit me vlerë rreth 400 milionë dollarë ishin të pasigurta.
Një gjykatës federal në Manhatan lëshoi urdhrat me arsyetimin se fluturimet e fundit shkelnin kontrollet e eksporteve të SHBA-së të vendosura pas pushtimit rus të Ukrainës në shkurt. Departamenti Amerikan i Tregtisë ngriti akuza administrative kundër Abramovich.
Departamenti mund të kërkojë të gjobisë Abramovich deri në 328,121 dollarë amerikanë për fluturim të paliçencuar, ose gati 1 milion dollarë për të tre fluturimet, mes gjobave të tjera.
Abramovich, i cili ndihmoi në ndërmjetësimin e bisedimeve midis Moskës dhe Kievit gjatë ditëve të para të luftës, nuk është sanksionuar personalisht nga Shtetet e Bashkuara. Ai është sanksionuar nga Bashkimi Evropian dhe Britania.