Policia e St. Petersburg në Florida ka nisur hetimet pasi një 27-vjeçare është gjetur e vdekur në makinën e saj dhe dy fëmijë të vegjël në sediljen e pasme.
Sipas medias amerikane, ka qenë një telefonatë e mbërritur në polici të shtunën pasdite që raportoi për të shtëna me armë. Kur efektivët arritën gjetën 27-vjeçaren Joana Peca të vrarë me armë zjarri. Dy fëmijët e saj të vegjël ishin gjithashtu në makinë, fatmirësisht të padëmtuar por të tmerruar.
Policia tashmë po i kërkon komunitetit çdo informacion në lidhje me ngjarjen.
Oficerja e Informacionit Publik të Departamentit të Policisë në Shën Petersburg, Sandra Bentil ka pohuar për mediat amerikane se një telefonatë 911 erdhi rreth orës 17:30 pasdite të së shtunës ku thuhej se një personi ishte qëlluar. Kur oficerët mbërritën, Bentil tha se gjetën 27-vjeçaren të vdekur brenda një makine nga një plagë e dukshme me armë zjarri, ndërkohë që dy fëmijët e saj, ishin të padëmtuar, por të tmerruar. “Dy fëmijë të vegjël sonte do të shkojnë në shtrat pa nënën e tyre,” tha e prekur oficerja e policisë.