Po përjetojmë kohë e një pandemie të pamëshirshme, që nuk njeh kufij. Prej disa muajve bota është mbërthyer nga kthetrat e virusit vdekjeprurës që u ka marrë jetën rreth 238 mijë personave dhe ka infektuar mbi 3.3 milionë.
Vendi më i prekur është SHBA-ja, që sot ka arritur një rekord të ri ditor, për numrin e të infektuarve.
Në vetëm 24 orë janë regjistruar rreth 28 mijë persona të prekur nga Covid-19, duke e çuar totalin në mbi 1.1 milionë, rreth 1/3 e të infektuarve në të gjithë botën.
Numri i viktimave të sotëm në SHBA është deri tani 1541, për një total prej mbi 65 mijë.