Presidenti i SHBA, Donald Trump ka vendosur të ndihmojë të gjitha kompanitë dhe familjet gjatë situatës së krizës për shkak të Covid-19.
Nëpërmjet një postimi të bërë pak më parë në Instagram, Trump ka njoftuar se do të shtyjë taksat për 2 muaj në mënyrë që njerëzit të përballojnë situatën. Dita e taksave do të shtyhet nga 15 prilli në 15 qershor dhe vendimi i tij është mirëpritur nga të gjithë.
Kjo masë lehtësuese vjen për të parandaluar një krizë ekonomike të mundshme, pasi të shumtë janë ata që po qëndrojnë në shtëpi dhe u janë mbyllur punët. Në SHBA numri i të infektuarve nga koronavirusi ka shkuar në 32, 356 persona dhe kanë ndërruar jetë 414 persona.
Ekonomitë më të mëdha botërore po ndjekin thuajse të njëjtën skemë, duke pezulluar pagesat e taksave për bizneset dhe individët, si dhe duke ofruar kredi të buta për bizneset në vështirësi si pasojë e koronavirusit. Nuk dihet ende nëse diçka e tillë do të ndodhë edhe në Shqipëri, ndërsa Icosntyle.al ka ngritur prej kohësh zërin për këtë problem.