Një zjarr i madh shpërtheu të martën, më 22 prill, në zonën e menaxhimit të kafshëve të egra Greenwood Forest, në Ocean County, New Jersey, duke shkaktuar evakuimin e menjëhershëm të rreth 3,000 banorëve dhe shkatërrimin e mijëra hektarëve tokë pyjore.
Zjarri u përhap me shpejtësi për shkak të kushteve të motit të thatë dhe erërave të forta, duke djegur më shumë se 8500 hektarë dhe duke kërcënuar mbi 1300 ndërtesa.
Autoritetet urdhëruan evakuime të detyrueshme në tre zona të qarqeve Ocean dhe Lacey, ndërsa hapën qendra në shkollat e mesme lokale për të akomoduar banorët e zhvendosur. Në të njëjtën kohë, në disa zona është shkaktuar ndërprerje pasi kompanitë e energjisë ndërprenë energjinë për rreth 25,000 konsumatorë për sigurinë e zjarrfikësve.
Zjarri shpërtheu gjatë një periudhe me rrezikshmëri të lartë zjarri, ku rajoni po përjetonte kushte thatësire. Autoritetet po vijojnë hetimet për shkaqet e zjarrit.
Zjarrfikësit vijojnë përpjekjet për shuarjen e zjarrit, ndërsa autoritetet janë në gatishmëri për të mbrojtur banorët dhe pronat e tyre.