Ish-ministri i Shëndetësisë në kohën e PD, Tritan Shehu, ka pasur një debat sot në “Open” me shefen e ISHP-së, Silva Bino lidhur me vaksinat anti-covid, duke marrë shkas dhe nga rasti i Piperos që rezultoi pozitiv edhe pas vaksinimit.
Shehu ka thënë se vaksinat nuk janë efektive pasi janë keqruajtur dhe kjo ka ndikuar në efektivitetin e tyre. Ai është shprehur se vaksinat kanë ardhur kontrabandë me pasagjerë nga Rinasi.
Bino: Tritani më duket ka harruar mjekësinë. Ne kemi bërë prova, sepse Pfizer kur dërgon vaksinën bën prova, dhe ne i kemi kaluar provat, si kalon në doganë, me ato spiunët se si ruhet dhe i kemi kthyer përgjigje Pfizerit. Sepse do të vinë dhe doza të tjera, dhe nuk mundet të mos respektojmë kushtet. Kushtet e ruajtjes së saj janë shumë të rëndësishme në lidhje me efektivitetin.
Vasili: Doktor Shehu tha nuk pati efektivitet për shkak të keq-ruajtjes së saj.
Bino: E thashë dhe më parë që mund të infektohesh në ditët e para sepse nuk krijohen antitrupat.
Shehu: Së pari Silva më ka dëgjuar gabim, nuk përmenda efekte anësore. Më lë të mbaroj se do më detyrosh të mërzitem. Unë thashë që bie në dyshim efektiviteti i vaksinës për shkak të ruajtes së saj apo dhe nga mënyra e përdorimit.
Vasili: Ta pyesim Binon a ka ndodhur kjo?
Shehu: Po ua them unë që nuk janë bërë.
Vasili: Doktoresha thotë është bërë.
Shehu: Jo jnuk e kanë bërë, se nuk kanë certifikatë origjine.
Bino: Unë flas në emër të Agjencisë Kombëtare të Barnave, në emër të ISHP, dhe them që vaksina ka ardhur e rregullt, pasi nuk dërgohet vaksina pa procedurat e sakta. Sepse malli vjen me akull të thatë dhe transportohet me akull të thatë.
Shehu: Si mundet një dokument të vijë dorazi?
Bino: Ka ardhur nga dogana…
Shehu: Po ka kalaur dorazi, kështu ka thënë dogana. Silva ka parë kutinë, akullin, por nuk ka parë dokumentin. Këtë vaksinë nuk e ka dërguar Pfizer, qesh sa të duash, nuk e ka dërguar Pfizer sepse nuk dërgon asnjë shishe pa certifikatë. Thanë që na e kanë dërguar një shtet i BE, por asnjë shtet i BE nuk i doli për zot. Materialet kanë aardhur nga një vend, dhe vaksinat nga një vend tjetër. Malli ka klauar dorazi nga Rinasi kur kanë ardhur pasagjerët. Andej kanë ardhur kontrabandë.