Ura që lidh fshatin Kalivac me qytetin e Lezhës është shembur duke izoluar të gjithë banorët. Mësohet se ura ishte nën ujë prej dy ditësh, por nga prurjet e mëdha të ujit, tashmë është shembur plotësisht.
Të gjithë banorët që përdornin këtë urë për të dalë në Lezhë kanë mbetur të bllokuar. Edhe bllokimi i aksit rrugor Kallmet-Ungrej ka shkaktuar problematika të mëdha për banorët e fshati Kalivaç.
Sot është dita e katërt që Shqipëria ndodhet nën pushtetin e ujit që ka sjellë probleme kryesisht në Shkodër, Durrës, Lezhë, Vlorë e Bulqizë. Si pasojë e motit të keq kanë ndodhur shembje masive të rrugëve në Lezhë. Ndërkohë që në Fushë-Krujë rreth 20 banesa janë të rrethuara nga uji. Në Korçë situata është drejt normalizmit, ndërsa në lumin e Devollit ka filluar të ulet niveli i prurjeve të ujit.