Sot është dita e Shën Valentinit, një ditë e veçantë kushtuar dashurisë. Në këtë ditë, shumë çifte shkëmbejnë dhurata simbolike, lule dhe mesazhe të ngrohta për të shprehur dashurinë dhe përkujdesjen ndaj njëri-tjetrit.
Kryeministri Edi Rama ndau mëngjesin e sotëm në rrjetet sociale një zemër të formuar me tullumbace të kuqe, nga Banjat e Bënjës në Përmet, duke krijuar një pamje të këndshme mes shprehjes së dashurisë dhe bukurisë natyrore.
Ujërat Termale të Bënjës në Përmet i janë nënshtruar një transformimi për përmirësimin e shërbimeve, peizazhit turistik dhe ndërhyrjeve rikualifikuese për të krijuar një atraksion të zhvillimit të qëndrueshëm.
Burimet e ujërave termale të Bënjës, apo siç quhen ndryshe Banjat e Bënjës, gjenden 14 kilometra larg qytetit jugor të Përmetit në komunën Petran, vetëm 3 kilometra larg nga vendi ku lumi Vjosa bashkohet me përroin e Lëngaricës.
E veçanta e tyre është se këto janë burime të hapura në natyrë. Temperatura e këtyre ujërave është, 26 ¬ 32°C.
Ky vend i rrethuar nga një natyrë e paprekur, paraqet një përzierje unike midis historisë aventurës dhe natyrës. Përveç banjave termale atje gjendet edhe kanioni i Lengaricës dhe Ura e Katiut.