Për shumë kënd një klishe, për shumë kënd një ditë domethënëse apo një mundësi për të shprehur dashurinë për atë që duan.
Shën Valentini u festua dhe këtë vit në Tiranë dhe disa nga dëshmitë vijnë nga qendra, ku dorë për dore, me një buqetë me lule, apo dhe një trëndafil të vetëm të dashuruarit dëshmuan dhe njëherë ndjenjat e tyre.
Sigurisht trëndafili ishte simboli i 14 shkurtit dhe lulja më e preferuar për t’u dhuruar, ndërsa më pas vinin arushët si dhuratë për të dashuruarit. Diku një objektiv fiksoi lumturinë e dy të rinjve në këtë ditë dhe më tej një shëtitje me gishta mbërthyer, apo një buzëqeshje. 14 shkurti nuk pati moshë as këtë vit, të rinj, të rritur, të moshuar gjetën pak kohë për ta festuar. Shihni këto momente të kapura nga LSA.
