Një person ka mbetur i plagosur mbrëmjen e sotme në Pogradec. Dy persona në gjendje të dehur janë konfliktuar me njëri-tjetrin.
Më pas sherri ka agravuar në përdorimin e mjeteve sendeve të forta thika e shishe birre, ku njëri prej tyre V. D., 30 vjeç ka marrë lëndime dhe është dërguar në spital. Sakaq, autori A. D është shoqëruar në polici.
Njoftimi i policisë:
Më datë 30.06.2021, rreth orës 20:05, në Spitalin e Pogradecit ka shkuar shtetasi V. D., 30 vjeç, banues në Pogradec, i cili dyshohet të jetë dëmtuar me sende të forta, gjatë një konflikti të çastit në lagjen nr. 4, Pogradec, me shtetasin A. D.
Autori i dyshuar, ndodhet i shoqëruar në Komisariat për veprime të mëtejshme, ndërsa shtetasi V. D., po merr ndihmën mjekësore dhe ndodhet jashtë rrezikut për jetën.
Grupi hetimor po punon për të zbardhur rrethanat e ngjarjes