Një sherr mes pesë adoleshentëve shqiptare dhe 2 të rinjve italianë ka përfunduar me plagosjen me thikë të këtyr të fundit. Sipas asaj që raportojnë mediat lokale, pesë të mitur me origjinë nga Shqipëria kanë plagosur me thika dy të rinj në Itali duke i rrezikuar seriozisht jetën atyre. Autorët adoleshentë ishin të moshës 15 deri 17 vjeçare dhe gjatë një konflikti në zonën universitare të Bolonjas me dy të rinj italianë, ata i kanë goditur këta të fundit me thika.
Menjëherë pas ngjarjes, dy italianët janë transportuar për në spital me plagë të rënda thike duke bërë që mjekët t’i mbajnë për ditë të tëra aty. Sipas informacioneve, ata pritet që ata të qendrojnë të shtruar në spital deri në fillim të qershorit për rekuperimin e plotë të plagëve.
Ndërkohë, policia italiane ka identifikuar katër të rinj prej grupit të shqiptarëve dhe po punohet për të pestin. Katër autorët u vunë në pranga dhe kanë dalë para gjykatës.
Raportohet se dy italianët ishin me shoqet e tyre në park teksa grupi i shqiptarëve i ka provokuar me fjalë duke shkaktuar sherrin mes tyre.