Një ngjarje e rëndë ka ndodhur këtë të martë në vendin e shenjtë, në Kishën e Laçit. Policia private ka denoncuar për dhunë fizike shitësit ambulantë që ushtrojnë aktivitetin e paligjshëm në territorin e Kishës së Shna Ndout në Laç.
Denoncimi është bërë nga përgjegjësi i rojeve private, Gjon Shkëmbi në Drejtorinë e Policisë së Lezhës, që ka në juridiksion dhe Laçin.
Ai tha për mediat se me 30 prill ka ndodhur një sherr masiv mes rojeve dhe shitësve ambulantë, ku për pasojë ka mbetur i plagosur një punonjës i tij. Ruaja dhe siguria e objektit të kultit bëhet në bazë të një kontrate shërbimi mes subjektit fizik “Marko Shkëmbi” dhe Provincës Franceskane me seli në Shkodër.