Sherr në Komision për çështjet e Brendshme, Çuçi përjashton Nokën pasi e ofendoi

Në Komisionin për Çështjet e Brendshme dhe të Mbrojtjes, ku është i pranishëm kryepolici Ilir Proda për projektbuxhetin e vitit 2026, u pa një situatë tensioni që më pas shkaktoi një vendim. Kryetari i Komisionit, Bledi Çuçi ndërpreu mbledhjen pas debateve me deputetin demokrat Flamur Noka, i cili për disa minuta foli pa mikrofon dhe e ofendoi. Çuçi kërkoi përjashtimin e Nokës me 10 ditë për fyerje të kryetarit të komisionit dhe më pas mbyll mbledhjen. “Kërkoj përjashtimin me 10 ditë, për ndryshe do të merren masa”, tha ai.