Policia e Durrësit ka indentifikuar dhe ka shpallur në kërkim dy të rinjtë që terrorizuan lagjen nr.17 të Durrësit me të shtëna armësh pasditen e të enjtes.
Burime zyrtare bëjnë të ditur se në kërkim janë shpallur E.H., 33 vjeç dhe Sh.Gj.,21 vjeç. Këta të dy pas një konflikti me njëri-tjetrin kanë qëlluar me armë zjarri duke shkaktuar dëmtime në mjetin e një 53-vjeçari, i cili ka denoncuar në polici.
Policia po punon për kapjen e të rinjve, mbi të cilën rëndojnë akuzat e armëmbajtjes pa leje dhe prishjes së qetësisë publike.
Lexo edhe: “Luftë” në Durrës, regjistrohen të shtëna me armë
NJOFTIMI I POLICISE
Policia zbardh ngjarjen dhe identifikon autorët e ngjarjes së ndodhur ditën e djeshme në lagjen nr 17 Durrës .
Shpallen në kërkim dy shtetas të dyshuar për veprat penale “Prodhimi dhe mbajtja pa leje e armëve luftarake dhe municionit” dhe “Prishja e qetësisë publike”.
Specislistët për Hetimin e Krimeve kanë bërë identifikimin dhe shpalljen në kërkim të shtetasëve E.H., 33 vjeç dhe Sh.Gj.,21 vjeç, banues në lagjen nr 8 Durrës, pasi dyshohet se këta dy shtetas gjatë një konflikti me njëri-tjetrin për motive të dobëta , kanë qelluar me armë zjarri duke i shkaktuar dëmtime mjetit në pronësi të shtetasit A.J.,53 vjeç, të cilin e kishte të parkuar aty.
Gjatë kontrollit në banesën e shtetasit Sh.Gj., Policia gjeti dhe sekuestroi në cilësinë e provës materiale disa fishekë.
Policia vazhdon punën intensive për kapjen e personave të shpallur në kërkim si dhe gjetjen e armës së zjarrit .
Materialet hetimore i kaluan Prokurorisë pranë Gjykatës së Shkallës së Parë Durrës për veprime të mëtejshme.