Personi që shihni në foto është Alban Meneri, autori i dyshuar i ngjarjes së rëndë në Tiranë, ku gjatë një sherri goditi me grushte dhe sende të forta fqinjin e tij, Nikolin Staka.
Mësuesi 56-vjeçar nga Laçi ka ndërruar jetë si pasojë e hemorragjisë në banesën e marrë me qira 1 muaj më parë.
Mësohet se Meneri po debatonte fillimisht me një grua për vendin e parkimit, ndërkohë që viktima i ka parë nga kati i dytë.
56-vjeçari mësohet se i ka thënë: “Çfarë bën, s’të vjen zor që zihesh me gra.”
Ndërkohë autori i dyshuar i është përgjigjur :“Zbrit poshtë se ta tregoj unë.”
Në momentin që Staka ka zbritur poshtë, Meneri e ka qëlluar me grushte në kokë, fytyrë dhe qafë. Më pas është larguar nga vendi i ngjarjes.
Ngjarja ka ndodhur më 30 korrik, por Staka është gjetur i pajetë ditën e djeshme, 31 korrik.
Autori i krimit rezulton të jetë një violinist profesionist.