Policia e Durrësit bën të ditur se një 36-vjeçar është plagosur rreth orës 01.00 pas mesnate me armë zjarri.
Ngjarja ka ndodhur në fshatin Gjuricaj të Ishmit, ku pas një konflikti mes të plagosurit dhe autorit, ky i fundit ka qëlluar me armë zjarri dhe më pas është larguar.
Specialistët për Hetimin e Krimeve në Komisariatin e Policisë Durrës kanë shpallur në kërkim dhe po punojnë për kapjen e shtetasit G. S., 40 vjeç, banues në Mirditë.
Ky shtetas, më datë 06.10.2020, rreth orës 01:00, në fshatin Gjuricaj, Ishëm, Durrës, pas një konflikti të çastit për motive të dobëta, ka plagosur me armë zjarri në këmbë, shtetasin E. T., 36 vjeç, banues në Ishëm, Durrës, i dënuar më parë për dhunim banese, kryer në bashkëpunim”, thuhet në njoftimin e policisë.
Ndërkohë i plagosuri E. T. ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje” dhe “Plagosja e rëndë me dashje”.