Disa punonjëse të një fabrike teli në Bathore kanë shfaqur shenja asfiksie në ambientin e punës.
Në QSUT u paraqitën disa prej punonjëseve të fabrikës, por vetëm dy prej tyre, të identifikuara si T.D 42 vjeçe dhe F.N 47 vjeçe, ndodhen ende në spital dhe po marrin ndihmën e nevojshme mjekësore.
Policia njofton se gjatë qëndrimit në ambientet e punës, ato nuk janë ndjerë mirë dhe kanë shfaqur shenja asfiksie.
Ndërkohë, grupi hetimor ka nisur hetimet për zbardhjen e shkaqeve dhe të rrethanave të ngjarjes.