Autoritetet në Kazakistan kanë mohuar një raport të publikuar nga zyrtarët kinezë në lidhje me një “epidemi të re,” e cila sipas kinezëve është më vdekjeprurese se Covid-19. Ditën e djeshme Ambasada Kineze në Kazakistan paralajmëroi qytetarët që jetonin në vendin e Azisë Qendrore se një “pneumoni e panjohur”, më vdekjeprurëse se koronavirusi është përhapur në vend dhe u ka marrë jetën më shumë se 1,700 personave.
“Departamenti i Shëndetësisë në Kazakistan dhe agjenci të tjera po kryejnë hetime krahasuese dhe nuk kanë e përcaktuar natyrën e virusit të pneumonisë,” thuhet në deklaratë.
Sipas ambasadës kineze, rritja e rasteve ishte e përqendruar në rajonet Atyrau, Aktobe dhe Shymkent, të cilat së bashku kanë pothuajse 500 raste të reja dhe më shumë se 30 pacientë me sëmundje kritike.
“Sëmundja vrau 1.772 njerëz këtë vit, disa prej të cilëve ishin shtetas kinezë, sipas ambasadës. Një total prej 628 prej këtyre vdekjeve ndodhën vetëm në qershor. Kjo sëmundje është shumë më vdekjeprurëse sesa Covid-19”, thuhet në deklaratë
Ndër të tjera ambaada ka thënë se rastet e reja të pneumonisë janë rritur në mënyrë të konsiderueshme që nga mesi i qershorit në të gjithë vendin, dhe se në disa vende numërohen me qindra.
Ndërkohë me anë të një deklarate të lëshuar ditën e sotme , ministria e shëndetësisë Kazakistan pranoi praninë e “pneumonive virale me etiologj të paspecifikuar”, por mohoi që epidemia të ishte i re apo e panjohur.
“Në përgjigje të këtyre raporteve, Ministria e Shëndetësisë e Republikës së Kazakistanit deklaron zyrtarisht se këto informacione nuk korrespondojnë me realitetin”, thuhet në deklaratë.