Organizata Botërore e Shëndetësisë thotë se gjatë javës së kaluar, në botë, janë konfirmuar më shumë se 4.6 milionë raste të infeksioneve me COVID-19.
Kjo është shifra më e madhe nga fillimi i pandemisë, sipas OBSH.Sipas të dhënave të kësaj organizate, nga 14 deri më 20 dhjetor në botë janë regjistruar 4.612.790 raste të reja të infeksionit me coronavirus, kurse 79.001 tjerë kanë humbur jetën.
Shumica e rasteve të reja janë regjistruar në Amerikën e Veriut dhe atë të Jugut – me më shumë se 2.3 milionë të infektuar.
Në Evropë ka pasur më shumë raste humbje jete gjatë javës së kaluar – me më shumë se 36 mijë.