Shqipëria po pakësohet me ritme të frikshme ku emigracioni dhe ulja e lindshmërisë po bëjnë që çdo vit të ngelemi më pak. Kështu thotë në një status në Facebook ish deputeti i LSI-së, Përparim Spahiu, ku përmend shifrat e publikuara nga INSTAT.
Për Spahiun nuk është zgjidhje “ pagesa e një shume parash (edhe me këtë kjo qeveri ka mashtruar) për çdo lindje, por politika reale afatmesëm por dhe afatgjatë ekonomike për të mundësuar punësim dhe kthimin e besimit se në Shqipëri mund të jetohet”.
Sipas tij, shqiptarët largohen jo nga pamundësia e një jete lluksi por nga pamundësia e një jetese minimale në vendin e tyre. Papunësia por dhe mungesa e besimit për një të ardhme më të mirë, ka bërë që çdo familje të mendojë të largohet ku të mundet.