Djali nga Tirana i njohur si Mr Elvis, emri i të cilit është Elvis Bushi, u bë shumë i njohur për shqiptarët me pjesëmarrjen në edicionin e parë të “Top Fest” në vitin 2004, me këngën “Femrat shqiptare”. Këngët e tij bënë për vete publikun duke e kthyer në një ndër artistët më të dëgjuar të kohës dhe ndër hitet e tij më të famshme mund të përmendim “Ky jam unë”, “Femrat shqiptare”, “Freedom”, “Kur ke dhe kur s’ke pare”, “Good morning Albania” etj.
Prej kohësh Mr. Elvis i ka munguar publikut me projekte të reja muzikore dhe të rralla janë daljet e tij në skenë. Ai vazhdon të jetojë në Tiranë dhe është bërë baba i një vajze të quajtur Aroma, me të cilën publikon here pas here foto.
Mr. Elvis vazhdon të jetë në kontakt me ndjekësit në rrjetet sociale Facebook dhe Instagram, ku jo vetëm ndan momente të përditshmërisë së tij, por mbështet edhe kolegët në muzikë duke promovuar shpesh këngët e tyre.