Moderatorja e njohur Arbana Osmani muajt e fundit është përfolur shumë për jetën e saj private dhe largimin nga Top Channel. Me një postim në Instagram ajo ka njoftuar që do të sjellë një libër tjetër gatimi pas 6 vitesh.
“Jam shumë e lumtur të ndaj me ju një projekt për të cilin po punoj prej kohësh. 6 vite pas librit tim të parë me receta gatimi, më në fund erdhi momenti për një të dytë… “Receta për 5 minuta” së shpejti për të gjithë ju që keni besuar tek unë, gjithmonë.”, ka shkruar Arbana pranë fotos ku shfaqet me një ëmbëlsirë në dorë.
Nuk mundemi të lëmë pa permendur se ditët e fundit, moderatorja vazhdimisht ka publikuar video dhe foto teksa ka qenë duke gatuar.