Të paktën 24 persona kanë vdekur dhe 19 janë raportuar të zhdukur pas përmbytjeve që kanë goditur zonat pranë Teheranit në Iran.
Sipas mediave të huaja, përmbytjet kanë përfshirë fshatrat Emamzadeh Davud, në perëndim, dhe në zonat e Firuzkouh, Rudehen dhe Damavad, në lindje të Teheranit.
“Për shkak të shirave të dendur dhe përmbytjeve në fshatin Emamzadeh Davud, në perëndim, dhe në zonat e Firuzkouh, Rudehen dhe Damavad, në lindje të Teheranit, 24 persona humbën jetën”, njoftoi Gjysmëhëna e Kuqe iraniane.
Ndërkohë kanë nisur operacionet e kërkim shpëtimit për gjetjen e 19 personave të zhdukur.