Një krim në familje ka ndodhur këtë mbrëmje tek Kodra e Priftit në Tiranë, ku 74-vjeçari Hekuran Gjoni ka vrarë të birin, Asim Gjoni me thikë.
Dyshohet se pas konfliktit verbal në gjendje të dehur të dy kanë zënë fizikisht. Ndërkohë që babai ka marrë thikën dhe e ka qëlluar disa herë. Shkaku i vrasjes mund të jetë bullizimi, pasi i biri e tallte të atin. Ky i fundit pas ngacmimeve e ka vrarë të birin me thikë.
”Më datë 01.02.2025, rreth orës 18:50, tek Kodra e Priftit, në rrugën “Ilia Shyti”, në banesë, shtetasi H. Gj., rreth 74 vjeç, ka goditur me mjet prerës djalin e tij shtetasin A. Gj., 37 vjeç, i cili për pasojë ka humbur jetën në spital. Menjëherë pas njoftimit të marrë për ngjarjen, shërbimet e Policisë kanë bërë shoqërimin e autorit në Komisariat për veprime të metejshme”, njofton policia.