Më shumë se 130 agjentë të Shërbimit Sekret që mbrojnë -ish-Presidentin Donald Trump, Shtëpinë e Bardhë dhe familjen e tij, janë futur në izolim pasi disa prej tyre kanë rezultuar pozitiv me koronavirus, ndërsa disa të tjerë kanë pasur kontakte me persona të infektuar me sëmundjen vdekjeprurëse.
Sipas mediave të huaja burim infeksioni kanë qenë mitingjet që ka zhvilluar Donald Trump gjatë fushatës zgjedhore.
SHBA është një nga vendet më të prekura nga koronavirusi në të gjithë botën. Që prej fillimit të pandemisë deri më tani në Amerikë kanë humbur jetën 248,848 persona, janë infektuar 10,920,646 të tjerë, sakaq në gjendje të rënë për jetën janë 31, 789 pacientë.