Një ngjarje e rëndë ka ndodhur në Itali teksa një shqiptar 22-vjeçar që drejtonte makinën humbi kontrollin, doli nga rruga dhe shkaktoi tragjedinë familjare.
Gruaja e tij, 24-vjeçaqrja Mariagrazia Bedin, humbi jetën nga traumat e pësuara, kurse djali i mitur u plagos rëndë dhe po trajtohet me kujdes mjekësor në spital.
Aksidenti ndodhi ditën e djeshme (31 Gusht) në zonën e Fondi, në Latina, rajoni i Romës, teksa Policia arrestoi mëngjesin e sotëm shoferin shqiptar Ali Hoxha, pasi nga testi që u krye rezultoi nën efektin e alkoolit dhe lëndëve narkotike.
“Corriere” raporton se: “Aksidenti është shkaktuar nga drejtimi i pakujdesshëm i shoqëruesit të tij 22-vjeçar, Ali Hoxha, i cili rezultoi pozitiv në analizat e mëpasshme për zbulimin e pranisë së alkoolit dhe drogës në gjakun e tij”.