Kreu i shtetit Ilir Meta në konferencën e përjavshme tashmë me mediat komentoi dhe vendimin e KLGJ-së për shkarkimin nga detyra të Ardian Dvoranit në Gjykatën e Lartë dhe në KED. Meta e quan të vonuar vendimi, por pozitiv thotë ai pasi “krijon mundësi për të ruajtur identitetin e një qendre të re të drejtësisë”.
“Qendrimi i Presidentit ka qenë dhe mbetet gjithmonë qëndrimi i Kushtetutës dhe ligjit. Vendimi i djeshëm në vlerësimin tim është i vonuar po sidoqoftë është pozitiv dhe krijon mundësi për të ruajtur identitetin e një qendre të re të drejtësisë”, tha Meta.
