Shtyllat e energjisë elektrike në Polis të Librazhdit janë shkatërruar ende pa u vënë në funksion. Mësohet se në lagjen Damjan, OSHEE ishte duke investuar në sistemin e ri elektrik, por investimi është dëmtuar. Shtyllat e drurit të cilat po vendoseshin janë prerë gjatë natës duke sjellë dëm të konsiderueshëm jo vetëm për OSHEE-në, por edhe për banorët që po prisnin investimin pasi sistemi i vjetër ishte degraduar.
Policia është vënë në kërkim të autorëve ndërkohë ende nuk ka një reagim nga OSHEE për vijimin e investimit.