Inspektorati Shtetëror Shëndetësor ka vijuar gjatë fundjavës me një seri kontrollesh në lokalet e Tiranës me qëllim kontrollin dhe evidentimin e subjekteve që shkelin ligjin ‘anti-duhan’.
Dega rajonale ISHSH-së Tiranë kreu në orët e vona të fund javës inspektime për zbatimin e ligjit “antiduhan” në zonën e ish-Bllokut dhe në zona të tjera të qytetit.
Inspektimet janë kryer në bazë të ligjit nr. 9636, “Për mbrojtjen e shëndetit nga produktet e duhanit”.
Njoftimi i plotë
Inspektime gjatë fundjavës edhe në orët e vona.
11 masa administrative në Tiranë në ish-Bllok dhe në zona të tjera të Tiranës për shkelësit e ligjit “antiduhan”.
Përsëritësit dënohen më shumë. 2 masa 600 000 lekë për subjekte që shkelin ligjin në mënyrë të përsëritur.
9 masa nga 300 000 lekë për ata që e shkelin ligjin për herë të parë.
#mbroshëndetin. #inspektoratishtetërorshëndetësor