Komisioneri Europian i Tregtisë, Phil Hogan, do të japë dorëheqjen pas kritikave të shumta ndaj tij, për shkeljen e rregullave të koronavirusit në Irlandë.
Hogan ka marrë pjesë në një takim golfi me më shumë se 80 persona në Galway në 19 gusht dhe ka qenë në shënjestër për lëvizjet atje.
Ai ishte gjithashtu është kritikuar edhe për mos respektimin e karantinës kur mbërriti nga Brukseli.
Qeveria irlandeze tha Hogan kishte “minuar besimin e publikut”.
Të martën, Hogan dha detaje për Presidenten e Komisionit Evropian, Ursula von der Leyen, për kohën e tij në Irlandë që çoi në pjesëmarrjen e tij në veprimtarinë e Shoqërisë Golf të Oireachtas.
Largimi i komisionerit irlandez do të thotë se Irlanda tani duhet të caktojë një komisioner të ri për zëvëndësuar Hogan.
Mirëpo, nuk dihet për momentin nëse ajo do të vazhdojë të mbajë portofolin kyç të Tregtisë, pasi kjo është në dorë të kryetares së Komisionit, Ursula von der Leyen, e cila mund të zgjedhë të bëjë edhe një ndryshim postesh.