Studimet e fundit kanë treguar dëshira natyrale për seks tek meshkujt është aq e fortë, sa kalon edhe prioritete të tjera, siç është dëshira për t’u ushqyer.
Në fakt, duket si çmenduri, por është rezultati i studimit të fundit, i botuar në “Nature”. (Sipas shkencës, djemtë janë më të prirur të bëjnë gjëra që çojnë në shkatërrimin e organizmit të tyre, kështu që gjithçka e ka një shpjegim.)
Studiuesit britanikë dhe amerikanë, në një test me krimbat, provuan disa forma klasike të sjelljes për të provuar se kur krimbat meshkuj ishin të uritur në prani të femrave, ata në të vërtetë zgjidhnin seksin para ushqimit, transmeton Class.
Sipas studiuesve, gjithçka shpjegohet me praninë e disa neuroneve që gjenden te meshkujt dhe jo te femrat, të cilat janë quajtur “misteri i qelizave mashkullore – MCMS”. Të dyja gjinitë, si meshkujt, ashtu edhe femrat kanë qarqe të krahasueshme në tru, por këto qeliza ndryshojnë rrugën e instinkteve te meshkujt: “Këto ndryshime, gjatë maturimit seksual të meshkujve u japin mundësi atyre të kujtojnë takimet e mëparshme seksuale dhe prioritetin e situatave të ardhshme seksuale”,- thotë autori i studimit Arantza Barrios.
Pra, sipas tij, kjo sjellje nuk është në kokë (nuk komandohet) – puberteti i bën meshkujt të jenë të ndryshëm nga femrat dhe të kërkojnë më shumë seks.
Edhe pse studimi u krye në krimba, ai “megjithatë, na vë përpara një perspektive e cila na ndihmon të vlerësojmë dhe ndoshta edhe të kuptojmë shumëllojshmërinë e seksualitetit njerëzor, orientimin seksual dhe identifikimin gjinor.