Forca policie nga Tirana dhe Shkodra, Renea, FNSH dhe Shqiponja kanë realizuar një operacion blic në Shkodër, ku janë vënë në pranga 14 persona.
Dyshohet se ata prej kohësh ushtronin veprimtarinë e paligjshme të dhënies apo marrjes së fajdeve tek qytetarët. Burime jozyrtare bëjnë të ditur se në total kanë qenë 16 urdhëra ndalimi, ndërkohë që numri pritet të shtohet.
Efektivët kanë zbarkuar rreth orës 04.00 të mëngjesit në pika të ndryshme të qytetit, ndërsa hetimet pritet të shkojnë më tej.
Fenomeni i fajdeve që të kujton vitin e largët 1997 është kthyer sërish në një shqetësim për qytetin e Shkodrës, dhe operacioni mësohet se ka nisur pas dy muajsh hetimesh e përgjimesh. Pritet që policia të japë detaje zyrtare lidhur me këtë operacion që vijon ende.