Presidenti Donald Trump tha të hënën se shkollat amerikane duhet të hapen në vjeshtë. Shkollat janë kryesisht nën juridiksionin e qeverive shtetërore dhe vendore. Edukatorët kanë luftuar me vendimet për hapjen e shkollave duke marrë parasysh rrezikun e infeksionit si për studentët ashtu edhe për fakultetet.
Nuk ishte e qartë menjëherë se çfarë shkollash po i referohej Trump – shkolla fillore dhe të mesme ose kolegje dhe universitete – apo çfarë veprimesh po merrte parasysh Trump. Kolegjet dhe universitetet kanë njoftuar një numër planesh për semestrin e vjeshtës, përfshirë ndryshimin e kalendarëve dhe mbajtjen e disa kurseve në internet. Universiteti i Harvardit njoftoi më herët të hënën se të gjitha kurset e tij do të mbaheshin në internet për vitin e ardhshëm akademik.
Trump bëri edhe një seri postimesh në Twitter duke mbrojtur përgjigjen e administratës së tij ndaj pandemisë. Shtetet e Bashkuara kanë numrin më të madh të rasteve dhe vdekjeve në të gjithë botën nga koronavirusi i ri. Në SHBA numri i të vdekurve si pasojë e koronavirusit i tejkaloi të 130 mijë vetët të hënën, ndërsa vendi po përballet me një rritje të konsiderueshme të infeksioneve.
Në nivel kombëtar numri i përgjithshëm i të prekurve nga koronavirusi po shkon në 3 milionë. Qendrat për Kontrollin dhe Parandalimin e Sëmundjeve kanë parashikuar se numri i vdekjeve deri më 25 korrik do të arrijë nga 140 në 160 mijë bazuar në 24 studimeve të pavarura që kanë bërë parashikime mbi këtë çështje.