Shkrimtari i njohur nga Shkodra, Stefan Çapaliku, ka ardhur pranë lexuesve me një libër të ri. “Albumi i thashethemeve” është romani i tij më i fundit.
Ai ishte i ftuar në emisionin “Opinion” për të folur në lidhje me këtë botim të ri.
“Më ka bërë gjithmonë përshtypje ky rituali i ardhjes së mikut dhe daljes pas drekës ose pas darkës dhe hapjes së albumit dhe bisedës që zhvillohej rreth albumit”, tha ai.
Në libër ka edhe foto të familjarëve të tij. Një prej tyre e komentoi edhe Blendi Fevziu.
Stefan Çapaliku: Kjo fotoja aty, shikojeni aty, është një foto e familjes sime. Është xhaxhai i tim eti me të shoqen në vitin ’68 në Durrës. Pra në atë vit obskurantist, të tmerrshëm…
Blendi Fevziu: Paska qenë më liberal, se në ’78 me këtë të ikte koka.