Një magazinë tapicerish është përfshirë nga flakët mesnatën e shkuar në lagjen “Shënkoll” të Elbasanit.
Ngjarja ka ndodhur rreth orës 23.45 ndërsa raportohet se nga zjarri ka pasur dëme të konsiderueshme materiale. Zjarrfikësja ka mbërritur menjëherë në vendngjarje duke bërë të mundur dhe izolimin e flakëve dhe shuarjen e tyre.
Dëmi përllogaritet nga burime jozyrtare në disa mijëra euro, ndërkohë që kanë nisur hetimet për shkaqet e rënies së zjarrit.