Gazetari Armand Shkullaku komentoi braktisjen e tryezës së bisedimeve me PD-në nga grupi i Enkelejd Alibeajt.
Ai deklaroi se grupi i Alibeajt në shumë raste ka bashkuar votat me Edi Ramën ndërsa e quajti të pafalshëm veprimin e tyre.
“E pafalshme është që të dalësh në zgjedhje kundër demokratëve dhe kundër opozitës me logon që do të të dhurojë Edi Rama.
Të thuash që jam opozitar dhe mezi po pres që Rama të më japë vulën që të prish punë në zgjedhje, dhe të ngatërrohen njerëzit për logo, kjo nuk hyn tek aktet politike të riparueshme, por akt që s’ka kthim mbrapa.”-tha Shkullaku.
Më tej gazetari Armand Shkullaku u shpreh se grupi i Enkelejd Alibeajt do të ketë probleme kur të zbresë në bazë nëse ndodh që të marrin logon e partisë.
“Si do bëjnë fushatë kur logoja mund të jetë dhuratë e Ramës për të përçarë opozitën.”-tha Shkullaku.