E ardhmja e Isco vazhdon të mbetet në pikëpyetje te Real Madrid. Mesfushori i cili, këtë sezon është aktivizuar gjashtë here nga trajneri Carlo Ancelotti, duke realizuar vetëm një gol, mund të transferohet në kampionatin anglez, pasi për të ka shfaqur interes Evertoni. Trajneri i anglezëve, Rafa Benitez kërkon një përforcim për merkaton e janarit dhe 29-vjeçari është futbollisti të cilin ai dëshiron të afrojë në skuadër menjëherë. Isco është i lidhur me madrilenët deri në fund të sezonit dhe drejtuesit për të mos e humbur lojtarin me parametër zero, me shumë mundësi do ta lënë lojtarin të largohet që në Janar dhe Everton është klubi që po avancon në tratativat për ta marrë lojtarin.
Kurse mbrojtësi i Barcelonës, Clement Lenglet mund të jetë afrimi i parë i drejtuesve të rinj të Newcastle. Klubi anglez kërkon përforcime në mbrojtje dhe për ta transferuar që në Janar lojtarin, ka nisur menjëherë bisedimet me katalanasit. Drejtuesit e klubit nuk duan të bëjnë Çmenduri që në merkaton e dimrit, pasi në verë kanë projektuar goditje të mëdha dhe për këtë mënyrë profili i Lenglet duket më i përshtatshmi për skuadrën. Sipas mediave spanjolle, dëshira e 26-vjeçarit është të qëndrojë te katalanasit, por duke pare vështirësitë që po përballet klubi dhe që minutazhin dhe i tij në fushën e lojës është i pakët, futbollistit me shumë mundësi do të pranojë kalimin në “St. James’ Park”.