Në më pak se 10 minuta mesditën e sotme në Tiranë janë regjistruar tre aksidente.
Në deklaratën e saj për median policia bën me dije se rreth orës 14:10, në rrugën “Gjin Bue Shpata” mjeti me drejtues një person me inicialet I. S., ka përplasur personin me inicialet V. Sh., 65 vjeç, që po lëvizte me biçikletë. Ai u dërgua në spital, ku ndodhet nën kujdesin e mjekëve.
Ndërkohë, vetëm 5 minuta më vonë, në Qafë Kashar mjeti me drejtues E. N., ka aksidentuar këmbësoren shtetasen B. J., 55 vjeç, e cila ndodhet në spital, nën kujdesin e mjekëve..
I plagosur ka mbetur edhe një 40-vjeçar me inicialet S.M. pasi rreth orës 14:20, në rrugën “Ndre Mjeda” ai humbi kontrollin e mjetit që drejtonte, duke u përplasur me pemën. Ai u dërgua menjëherë në spital si pasojë e lëndimeve të marra nga përplasja, ndërsa nuk bëhet me dije gjendja shëndetësore në të cilën ndodhet.