Për herë të parë, Selena Gomez mori pjesë në festivalin e filmit në ‘Cannes’ dhe paraqitja e saj u komentua shumë mirë nga fansat. Mirëpo, aktorja dhe këngëtarja e njohur vendosi të jepte një lajm që i shokoi të gjithë. Pasi publikoi fotot e eventit në ‘Instagram’, Selena shkruajti se ajo dhe Bill Murray, protagonisti i filmit të saj më të ri, do të martohen. Sigurisht ky detaj nuk i ka shpëtuar ndjekësve të saj, të cilët i kanë komentuar menjëherë duke shprehur dyshimet e tyre nëse bëhet fjalë për ndonjë shaka apo është diçka e vërtetë, megjithatë askush nuk e ka aprovuar këtë vendim. Në fotot e publikuara në event, Bill dhe Selena janë shfaqur shumë pranë njëri-tjetrit, megjithatë presim një konfirmim zyrtar nga dyshja.
