Një tjetër përplasje fizike ka ndodhur në Durrës gjatë numërimit të votave mes bashkëshortit të kandidates së PD-së Manjola Luku dhe disa mbështetësve të PS-së që ndodheshin aty.
Mesohet se militantë të PS-së dhe vetë Muharrem Sula kanë qenë duke festuar fitoren në Manëz me fishekzjarre dhe makina.
Rrugës për në Gjir të Lalëzit janë ndeshur me Gaz Lukun e Partisë Demokratike dhe mbështetës të tij. Sipas burimeve, Luku ka nisur të shajë militantët dhe në këtë moment ka ndodhur dhe përplasja fizike mes këtij të fundit dhe një militanti të PS.
Në të njejtën kohë militantë të PD kanë nisur të gjuajnë me karrige makinat e militantëve të PS. Policia ka ndërhyrë për të shuar sherrin. Mësohet se të shoqëruar janë Luku dhe disa militantë të PS.