Këtë të martë, në hedhjen e shortit në KQZ u mësua se koalicioni Meta-Berisha do të ketë numërues të votave për zgjedhjet e 14 Majit vetëm në tavolinat e numërimit me numër tek në të gjitha KZAZ-të e vendit. Partisë së Lirisë i ranë tavolinat e numërimit me numër tek ndërsa partisë tjetër që merr anëtarin e katërt, Partisë për Drejtësi, Integrim dhe Unitet i ranë tavolinat me numër çift.
Në tavolinat e numërimit me numër tek në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i Partisë së Lirisë. Në tavolinat e numërimit me numër çift në të gjithë vendin numëruesit do të jenë 2 përfaqësues të Partisë Socialiste, 1 i Partisë Demokratike dhe 1 i PDIU-së.
Vendimi që anëtari i katërt i grupeve të numërimit të ndahej mes PL dhe PDIU-së u mor ditën e djeshme gjatë mbledhjes së KQZ-së, e cila u shqoërua me debate mes përfaqësuesve të këtyre partive politike.