Katër personat e arrestuar në Greqi të premten për trafikim të lëndëve narkotike në Mykonos, kanë mohuar akuzat.
Tre shqiptar dhe një polak janë lënë nga gjykata në burg, ndërsa ata thonë se lëndën narkotike e kishin për përdorim vetiak.
Avokati i dy prej të akuzuarve deklaroi gjatë dyerve të gjykatës se kanë besim te drejtësia për gjykimin e çështjes në mënyrë të paanshme.
Shefi i grupit kriminal ishte një 43-vjeçar shqiptar i skeduar për disa ngjarje kriminale duke filluar nga grabitje, tentativë vrasje, arratisje nga spitali i burgut duke hapur zjarr në drejtim të policisë, armëmbajtje, drogë dhe vepra të tjera penale.
Sipas mediave greke ata shpërndanin lëndë narkotike në ishullin e të pasurve, Mykonos dhe ky grup ishte ndjekur prej disa muajsh me dron.
Kujtohet se gjatë hetimeve policore, ndër të tjera, u konfiskuan 76 gram kokainë, 50 gr kanabis, një sasi e vogël metamfetamine kristaline, peshore elektronike, një pistoletë me 15 gëzhoja dhe shumën prej 6,865 euro.