Një ngjarje e rëndë është regjistruar këtë të diel në Sauk të Tiranës, ku dyshohet se ka plasur bombula e gazit brenda banesës së shtetasit Agim Daxha dhe për pasojë banesa ka marrë zjarr.
Autoritetet policore raportojnë se si pasojë e shpërthimit kanë mbetur të plagosur shtetasit Agim Daxha, 46 vjeç, Bjorgo Daxha, 19 vjeç, dhe Lutfie Daxha, 70 vjeçe. Ata janë dërguar me urgjencë në spital, ku ndodhen në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.