Zjarrfikësit thuhet se kanë vënë në kontoll flakët në një depo armatimesh në Siberi, dhe se nuk ka më shpërthime municionesh thotë ushtria ruse.
Dhjetë avionë masiv cargo dhe pesë helikopterë Mi-8 kanë hedhur ujë në zonë, afër qytetit të Achinsk në rajonin e Krasnoyarsk.
Në një deklaratë të ministrisë së Mbrojtjes thuhet se nuk ka më shpërthime në zonë, teksa një depo e vjetër armatimesh ku ndodheshin 55 mijë predha artilerie.
Më shumë se 9500 banorë janë evakuuar, gjashtë të plagosur janë shtruar në spital, por jashtë rrezikut për jetën. Municionet që fluturonin në ajër kanë dëmtuar një shkollë dhe një kopsht në fshatin Kamenka.. Megjithatë zv.ministri i Mbrojtjes, Gjenerali Dimitri Bulgakov thotë se përveç dritareve të shkatërruara kishte pak dëmtime në zonë. Banorët lokalë janë evakuar në një perimetër prej 20 km rreth depos së armatimeve.
Rajoni i Krasnoyarsk është prekur nga zjarret masive që kanë përfshirë pyjet e Siberisë këtë javë për shkak të një moti të ngrohtë të pazakontë dhe erërave të forta. Por autoritete thonë se këto vatra zjarri janë shumë larg zonës së depos së armatimeve. Një burim ushtarak ka thënë për gazetën Rossisskaya Gazeta se besojnë se shpërthimi ka ardhur nga një predhë e vjetër që shpërtheu në një kamion ushtarak.