Një shpërthim i fuqishëm që ka lënë të vdekur dhjetëra minatorë e të lënduar shumë të tjerë ka ndodhur sot në një minierë në Rusinë Lindore.
Mësohet se si pasojë e marrjes flakë të pluhurit të qymyrit në kanalet e ventilimit, ka ndodhur një shpërthim i fuqishëm i cili u ka marrë jetën në vend 11 minatorëve.
Si pasojë e shpërthimit të paktën 40 të tjerë mbetën të lënduar, ndërkohë që dhjetëra të tjerë kanë mbetur të bllokuar në nëntokën e minierës Listvyazhnaya në Siberi.
Mësohet se mes viktimave ndodhet edhe një 23-vjeçar, ndërkohë që nga thithja e tymit kanë pësuar probleme 43 minatorë të tjerë prej të cilëve dy janë në gjendje të rëndë për jetën.
Ndërsa shifrat e sakta nuk dihen ende, guvernatori rajonal Sergei Tsivilev tha se të paktën 48 persona mungojnë ndërsa dyshohet se numri i të humburve mund të shkojë deri në 75.
“43 persona ndodhen në spital me dëmtime, katër prej tyre janë në gjendje të rëndë,” tha Tsivilev.